Jelena Ruppijeva. Kielilippahaine

35 Lugu 9. Mečäs 1. Pyhänpiän Teppo died’oinke käydih meččäh, gribah da sieneh. Teppo otti keräle poimičun. Sih häi keräi gribua. Minbo otti keräle Tepon died’oi? Kunnebo häi rubieu keriämäh siendy? Arbua arbaitus da tiijustat sen. Vihjuammo, sit sanas on kaksi š-kirjaindu peräkkäi. Arbaitus: Mies menöy meččäh, sada silmiä selläs. Vastavus: Š Š 2. Meččäh tulduu died’oi rubei keriämäh siendy, häi hyvin tiedäy, kudamua siendy suau ottua, kudamua ei. Teppo rubei keriä- mäh gribua. Kahtes čuasus died’oi vunukanke kerättih äijän. Mittumua gribua da siendy hyö kerättih, näet kuvas. Sit kai grivat da sienet ollah yhtes tukus. Sinul pidäy eroittua net da kirjuttua erikseh grivat da sienet. Sinule abuh roitah kuvien ual olijat sanat.