Background Image
Table of Contents Table of Contents
Previous Page  58 / 82 Next Page
Basic version Information
Show Menu
Previous Page 58 / 82 Next Page
Page Background

57

M.

– Voim-ik mö teidenke ühtes pajatada?

N.

– Oliži ani čoma, ved’ tö tedat äjan pajoid.

M.

– Mitte sinun armaz pajo om?

N.

– Minun armaz tal’vpajo om “Pen’ kuz’ om mecas kazvanu”.

M.

–Hüvä! Pajatam sen da völ toižid-ki pajoid. Mö tatoinke ozutam teile völ

uden kargun. Meid openzi sidä kargaita baboi.

N.

– Meile linneb melentartušt kacta! A linneb-ik tomaižid?

M.

– Mö vaumičim jo teile tomaižed.

N.

– Mö-ki tegem teile lahjad.

6. Luge da kända tekst.

Raštvoiden praznik

Uden voden praznik om kaikil rahvahil sur’ praznik.

Nügüd’ vepsläižed praznuičeba i Uden voden

praznikad i Raštvad. Kanman emag pezeb kaik lavad,

puhtastab kaiken pertin, i siloi vaiše tatoi tob kodihe

kuzen. Lapsed čomitaba sen. Jäl’ges lämbitadas

kül’bet’ i kävutas kül’betihe. Ehtal emag vaumičeb

erazvuiččid parembid sömid. Hän paštab magedoid

pirgoid da rahtpirgoid, tegeb kut kalasömišt, muga

lihasömišt-ki. Uden voden ezmäine päiv om lujas znamasine vepsläižile.

Hö tarkas kacuba da muštaba sen, ken ezmäine haškahtab päliči pertin

künduses: mužik vai ak. Ku mužik om ezmäine, ka nece om hüvä znam. Se

znamoičeb tervhut da kaiked hüväd, bohatust da hüväd villäd. Vepsläižed

ei navedigoi, konz akad da lapsed tuleba pert’he ezmäižin. Hö pidäba sidä

huban znaman.

Raštvoiden aigan lapsed, a erašti nored-ki sädasoiš čudilkoikš. Mužikad

paneba akoiden sobad päle, a akad paneba mužikoiden sobad päle. Hö

peitleba ičeze modod i tegeba muga, miše niken ei voiži tundištada

heid. Ende hö mäniba besedale, kargaižiba sigä, uradiba, no ei andnugoi

än’t. Nügüd’ čudilkod ei kävugoi besedale, a kävuba vaiše pert’ pertilaze.

Raštvoiden aig om lujas vessel’. Ehtkoižidme nored kävuba arboimaha da

uradimha. Hö tacleba haugoid pinospäi, kolkotaba kartohkpun’kul iknaha,

saubateleba verajad da päčintrubad. Niken ei verdu. Kaik el’gendaba, miše

nece om Raštvoiden aig.